SIDEBAR
»
S
I
D
E
B
A
R
«
አዲሱ የምርጫ ህግ መብትን ያሰፋል ወይስ ያጠባል?
Aug 8th, 2019 by Publisher News Group

መግቢያ

ምርጫ ቦርድና መንግስት  ማክስኞ ሃምሌ 16፣ 2011 የፖለቲካ ፓርቲዎች ምዝገባን በተመለከተ አዲስ ህግ አርቅቀው በፓርላማው የህግ ቋሚ ኮሚቴ በኩል ለውይይት በሚል አቅርበዋል። ፓርላማው  ይህንኑ ረቂው  ብዙም ሳይለወጥ የሚያጸድቀው  ከሆነ እንደምታው  ምንድን ነው የሚለውን በዚህ አጭር ጽሁፍ ለውይይት መንደርደሪያነት አቀርባለሁ።ረቂቅ ህጉ ብዙ ጉዳዮችን የሸፈነና በበጎ ጎኖች ያሉት  ቢሆንም በዚህ ጽሁፍ የማተኩርበት  ግን ስለፓርቲዎች ምዝገበ በተመለከተ ለምዝገባ ማቅረብ አለባቸው ( አስር  ሽህ የደጋፊዎችን ፊርማ )  በሚለው ላይ ነው። የግለሰብ ተወዳዳሪወችንምበተመለከተ የሰፈረውን በዚሁ መልክ መገምገም ይቻላል።

የመደራጀት መብት የዴሞክራሲ መብት ነው ይህን መብት ማስፋት እንጂ ማጥበብ ጎጂ ነው

ከአምበባገነን ስርዓት ወደ ዴሞክራሲ በሚደረገው ጉዞ የፖለቲካ ፓርቲዎችን አደረጃጀትን ለመወሰን፣ ለእንቀስቃሴያቸውም ህጋዊ እውቅና ለመስጠትም ይሁን ለመገደብ የሚችሉ ይህን መሰል ህጎች ፣ በሀገሪቱ ቀጣይ ፖለቲካ ስርዓት ምስረታና ግንበባታ ውስጥ  ዜጎች ሊኖራቸው የሚችለውን ተሳትፎ ለማበረታታትም ይሁን ለማዳከም እጅግ ከፍተኛ ሚና ይጫወታሉ።

በስልጣን ላይ የሚገኙ መንግስታት የሚደነግጓቸውና ተግባራዊ የሚያደርጓቸው  ህግጋትና ደንቦች ዴሞክራሲያዊ ስርአትን እውን ለማድረግ ሊያግዙም  እንቅፋት ሊሆኑም ይችላሉ።

አንዳንድ ህግጋት መደራጀትንና ህዝብም በፖለቲካ ፓርቲወች ውስጥ የሚኖረውን ተሳትፎ የሚያበረታቱ ሲሆን ሌሎች ደግሞ የተለያየ መሰናክሎችን በመደርደር ህዝብ ከመደራጀትና በፖለቲካውም ንቁ ተሳታፊ ከመሆን ወደኻላ እንዲል አደርጋሉ።

ለምሳሌ የ ኢትዮጵያ ህገ መንግስት መደራጀት መሰታዊ ሰብአዊ መብት እንደሆነ ቢደነግግም የማህበራት ህግ  (Charities and associations) የተባለው ህግ ባሰቀመጠው እንቅፋት የተነሳ ማህበራዊ ድርጅቶች በነጻ እንዳይደራጁ ህዝቡም በነዚህ ድርጅቶች ውስጥ ከመሳተፍ ራሱን እንዲያርቅ  በማድረግ በሀገራችን ነጻ ህዝባዊ ድርጅቶች ድምጥማታቸው እንዲጠፋ ተደርጓል። በፖለቲካ ድርጅቶችም ላይ የተለያየ ተጽእኖ በማሳደር የተቃዋሚ ድርጅቶች አቅመ ቢስ የህዝብ ተሳታፊነትም እጅግ የጎደላቸው የቀጨጩ ድርጅቶች ሆነው እንዲቆዩ መደረጉ ይታወቃል።

አሁን የቀረውን የህግ ረቂቅ ስንመረምርም መጠየቅ የሚገባው አንዱ  ጥያቄ ይህ ህግ ዜጎች በፖለቲካ ድርጅት እንዲሳተፉ ሁኔታወችን ይብልጥ የሚያመቻች ነው ወይንስ በቀጥታም ይሁን በተዛዋሪ እንቅፋት የሚፈጥር  ነው የሚለው ነው።

አንዳንድ ሰዎች  መቶ ሚሊዮን ህዝብ ባለበት ሀገር አስር ሽህ  የደጋፊ ፊርማ አቅርቡ  ማለት ምን ችግር አለው ? ፖለቲካ ድርጅቶች የህዝብ ድጋፍ ካላቸው ለምን ይጨነቃሉ ይላሉ።የምርጫ ቦርዱ አንድ ባለስልጣንም ይህንኑ በቪኦኤ ቃለመጠይቃቸው ሲያሰተጋቡ ተደምጧል።

በኔ አመለካከት ለፓርቲዎች ምዝገባ አስፈላጊ ነው የሚባለውን ቁጥር አሁን በስራ ላይ ካለው 1500 ወደ 10000 (አስር ሽህ)  ከፍ ማድረግ የቁጥሩ ጉዳይ ወይንም የድርጅት ድጋፍ  ማግኘትና ማጣት መመዘኛ ብቻ አይደለም። ሲጀመር ባንድ ወቅት ድጋፍ ያለው ድርጅት በሌላ ጊዜ ድጋፍ ላይኖረው ይችላል። ድርጅቶች በትንሽ ሰዎች ቁጥር ተጀምረው ወደ ታላቅ ሀይልነት እንደሚያድጉ የታወቀ ነው። በአንድ ወቅት ድጋፍ አላቸው የሚባሉ ገናና ድርጅቶች በሌላ ወቅት ባዷቸውን ሊቀሩ ይችላሉ። ይህ ብዙሀዊነት ባለው የፖለቲካ ስርአት  ውስጥ እውነታ ነው።

የመደራጀት መብት የዴሞክራሲ መብት ነው። በፖለቲካ ፓርቲ የመደራጀት መብት ደግሞ ከፍተኛው የፖለቲካ መብት መገለጫ ሲሆን  ምዝገባውን በተመለከተ የሚያስፈልገው ቁጥር ከፍ ወይም ዝቅ ማለቱ ከምህዳሩ መስፋትና መጥበብ ጋር በቀጥታ የሚያያዝ ነው። ለመመዝገብ ከሚፈልጉት ፓርቲዎች አመቺ ሁኔታ መኖር አለመኖር ጋር ብቻ ሳይሆን የህዝብንም አማራጭ ከማስፋትና ከማጥበብ ጋር በቀጥታ የሚያያዝ ጉዳይ ነው።

አሁን  የተረቀቀው “ማሻሻያ“ አዳዲስ ድርጅቶች በያዙት ሃሳብ ዙርያ ከትንሽ የአባላትና  ደጋፊወች  ቁጥር  ተነስተው እንዲያድጉ የሚያበረታታ ምህዳር  የሚፈጥር ሳይሆን ገና ከጅምሩ እጅግ ከፍተኛ የሆነ ተግዳሮት ከፊታቸው እንዲደቀን ያደርጋል። እንደ ረቂቅ ህጉ ከሆነ አንድ ድርጅት አስር ሽህ አባላት  ወይም ደጋፊወችን እስኪያፈራ ድረስ በህጋዊነት ስለማይታወቅ (ስለማይመዘገብ)  ህጋዊ የፖለቲካ ድርጅቶች የሚኖራቸው  የህግ ከለላና መብት አይኖረውም ።ለምሳሌ በማንኛውም ደረጃ በፖለቲካ ውድድር ውስጥ አይሳተፍም። በዚህ ወሳኝ የሽግግር ወቅትም በሀገሪቱ መሰረታዊ ጉዳዮች ላይ ይህ ነው የሚባል ተሳትፎ ሊያደርግ አይችልም። ተሳትፎው ሁሉ በ መንግስት ችሮታ እንጂ እንደመብት የሚጎጎናጸፈው አይሆንም።

ባንጻሩ አሁን ጎላ ብለው የሚታዩና  እስካሁን በነበረው ሁኔታ  የተመዘገቡ ድርጅቶች ብቻ  የፖለቲካ መድረኩ ዋና ተዋናይ ሆነው እንዲቀጥሉና መድረኩንም እንዲቆጣጠሩ ስለሚያግዝ ያለውን ሁኔታ (ስታተስኮ status quo)  የሚያስቀጥል እንጂ አዳዲስ ሀሳብ ያላቸው ሀይሎችን በፖለቲካ ሜዳው ውስጥ ገብተው አማራጫቸውን ለህዝብ እንዲያቀርቡ  የተሻለ ሁኔታን የሚፈጠርና የሚያበረታታ  አይደለም።

በዚህ ሂደት የሚፈጠረው የፖለቲካ ምህዳርም  የተወሰነ የፖለቲካ አስተሳስብ ዙሪያ እየተሽከረከረ  እንዲቀጥል ይህ አስተሳሰብም ጎልቶ እንዲወጣም ያግዛል። ይህ ደግሞ  በህጋዊ መድረኩ  ለህዝብ   የሚቀርቡ የፖለቲካ አማራጮች ውሱን እንዲሆኑ (እንዲጠቡ)  በማድረግ  ምህዳሩ ለ” አውራ ፓርቲና መሪ አመለካከት” ስር መስደድ የተመቻቸ እንዲሆን ያደርጋል።

ለህጋዊነት ለመመዝገብ የሚያሰፈልገውን ቁጥር ዝቅ ማድረግ ደግሞ አዳዲስ ሀሳቦች በየጊዜው  እንዲፈልቁ፣ ዜጎች ወደ ፖለቲካ መድረኩም እንዲገቡ ሁኔታወችን ያመቻቻል። የተወሰነ ሀሳብ የበላይነትን ይቀንሳል። ፖለቲካ ፓርቲወችም ሁል ጊዜ አዳዲስ ተወዳዳሪ ሀሳብ ስለሚሞግታቸው ለህዝብ ፍላጎት ተገዥነታቸውንና  የፈጠራ ችሎታቸውን  እጅግ ያጠናክራል።

ከዚህ በታች የሚገኘው መረጃ እንደሚያሳየው በዴሞክራሲ የገፉም ሆኑ በዴሞክራሲያዊ ሽግግር ውስጥ የሚገኙ አብዛኛወቹ ሀገሮች ፖለቲካ ድረጅቶች በህጋዊነት ለመመዝገበብና ለመንቀሳቀስ የሚያስቀምጡት የ አባላት ወይም  የደጋፊወች ቁጥር አሁን ሀገራችን ውስጥ የተረቀቀው ህግ ከሚጠየቀው ( 10 ሽህ ) እጅግ ያነሰ መሆኑን ነው።

ሀገር ዝቅተኛ ቅጥር  ሀገር ዝቅተኛ ቁጥር ሀገር ዝቅተኛ ቁጥር
ህንድ 100 ላትቪያ 1000 ታንዛንያ 500
ፊሊፒንስ 5 ፖላንድ 1000 ፈረንሳይና እንግሊዝ ዝቅተኛ ቁጥር የለም
ናፓል 0 ስዊድን 1500 ካናዳ 250
ካምቦዲያ 4000 ፊንላንድ 5000 ርዋንዳ ለፕሬዚደንትነት 600
በጋና 210 በናሚቢያ 3500 በዩጋንዳ 6500
ቼክ ሪፐብሊክ 1000 ስሎቫንያ 500 ደቡብ አፍሪካ 500
ቤልጅየም 3050 ናይጀሪያ 500 ሱዳን 500
           
ኤስቶንያ 1000 ላይበሪያ 500 ዛምቢያ 1000

ከላይ ከተጠቀሱት ሌላ ፓርቲወችን ህጋዊነት ለመስጠት እጅግ የተጋነነ ያባላት ቁጥር  የሚጠይቁ አንድ ሁለት ሀገሮች አሉ ከነርሱም ውስት አንዷ ኬንያ ነች። ኬንያ ቁጥሩን የጨመረችው በብሄር በሪጅንና በሀይማኖት መደራጀትን ሙሉ በሙሉ አግዳ እንጂ የብሄር ፍጥጫ እና ግጭትን የሚጋብዝ ህገመንግስታዊ ድባብ ውስጥ ሆና አይደለም።

የፖለቲካ ድርጅቶች መብዛት ለዴሞክራሲ እንቅፋት አይደለም

የፖለቲካ ድርጅቶች ህጋዊነት ለማግኘት የ 10 ሽህ ሰው ድጋፍ መማቅረብ ይገባቸዋል የሚለው ሀሳብ አስፈላጊነት በሚገልጹ ክፍሎች በኩል የሚቀርበው አንዱ  ሀሳብ  በሀገራችን ውስጥ የፖለቲካ ድርጅቶች ቁጥር በዝቷል ። ይህም ለዴሞክራሲያዊ ሂደት እንቅፋት ነው ። ስለዚህም እንዲቀነሱ ማድረግ ያሰፈልጋል ከሚለው አስተሳሰብ ጋር የተያያዘ ነው።

ይህ ግን ከእውነታ ጋር የሚጋጭ ነው፡

ለምሳሌ ህንድ በአለም ትልቅ የህዝብ ቁጥር ያላት ሀገር  ስትሆን  በሀገር አቀፍ ደረጃ የሚንቀሳቀሱ ከ ሁለት ሽህ በላይ ፖለቲካ ፓርቲወችም ይገኙባታል።ይህ የህንድን ዴሞክራሲ አጠናከረው እንጂ አላቀጨጨውም፡፡ በአፍሪካ የተሳካላት ዴሞክራሲያዊ ስርአት በመገንባት ተሳካላት የምትባለው ቤኒን እስከ አለፈው አመት (2018) ድረስ በህጋዊነት የሚንቀሳቀሱ ሁለት መቶ ያክል ፖለቲካ ፓርቲወች ነበሯት በዚህ ጊዜ ውስጥ በቤኒን ውስጥ ዴሞክራሲ ስር ሰደደ እንጂ አልተደናቀፈም፡

ባንጻሩ  በራሽያና መሰል ሀገራት የሚታየው ደግሞ እጅግ ዝቅተኛ ቁጥር ያላቸው የፖለቲካ ድርጅቶች ብቻ ህጋዊ ሆነው ሲንቀሳቀሱ ነው። በነዚህ ሀገሮች ውስጥ ደግሞ ዴሞክራሲ ተፍኖ ያንድ ድርጅት እና ግለሰብ የበላይነት እንደሰፈነ ነው።

ይህ እውነታ የድርጅቶች መብዛት ለዴሞክራሲ እንቅፋት አለመሆኑንና ችግሩ የሚመነጨው ከሌሎች የመንግስታት ፖሊሲና ተግባር እንደሆነ ነው።

በሀገራችን ሁኔታ ድርጅቶችን ቁጥር መቀነስ ያሰፈልጋል ቢባል እንኳ አዳዲስ ድርጅቶችን ለመመዝገብ 10 ሽህ ድጋፍ አምጣ ከሚለው አላስፈላጊ እርምጃ  ውጪ ቅነሳውን እውን ለማድረግ በሚያሰችሉ እርምጃወችን ሊወስድ ይቻላል። ለምሳሌ  በሀገራችን ካሉት “የተመዘገቡ ድርጅቶች” ውስጥ ብዙዎቹ ቀደም ሲል ኢህአዴግ አጅበውት እንዲጓዙ የፈለፈላቸው ስለሆኑ  እነርሱን ማስወገድ ከፈለገ ኢህአዴግ አሁንም በአንድ ቀን ሊያደርገው የሚችለው ቀላል ተግባር ነው።

ሁለተኛው በሀገራችን የፓርቲወች ቁጥር እጅግ የበዛው ህገመንግስቱ ከደነገገው የብሄር አደረጃጃት ጋር ተያይዞ እንደሆነ የሚታወቅ ነው። ለዚህ ደግሞ መፍትሄው በህብረ ብሄራዊ ድርጅቶች ላይ ተጽእኖ ማድረግ ሳይሆን ለየት ያለ  ቆራጥና ሁሉንም የሚያግባባ ዘመን ተሻጋሪ ባለራእይ እርምጃ በመውሰድ ነው። ይህም ቢሆን ሰፊ ውይይትና መግባባትን ይጠይቃል፡

ነጻ  የህዝብ ድምጽ የድርጅቶችን ቁጥር  እንዲበዛም እንዲቀንስም ያደርጋል።

ህዝብ የፈለገውን የመደገፍ የማይደግፈውን ደግሞ ያለመደገፍ መብቱን ሙሉ በሙሉ ተግባራዊ እንዲያደርግ የሚያመቻች ሁኔታ ተግባራዊ ከተደረገ  ቀስ በቀስ የህዝብ  ድጋፍ ያላቸው  ፓርቲወች እንዲያድጉ የሌላቸው ደግሞ እንዲከስሙ ወይም  ከሌሎች ጋር እንዲዋሀዱ ሁኔታው ያሰገድዳቸዋል።። በዚህ መሰረትም የህዝብ ድምጽ የድርጅቶችን ቁጥር  እንዲበዛም እንዲቀንስም ያደርጋል።

ይህ አይነቱ አሰራር የድርጅቶችን ቁጥር ለመወሰን ከሚኖረው ታላቅ ሀይል በተጨማሪ ፖለቲካ ፓርቲወች  ለህዝብ ድምጽ ትልቅ ግምት እንዲሰጡና   ህዝብም  በፖለቲካው ውስጥ በንቃት ሲሳተፍ ከፍተኛ ተጽእኖ ፈጣሪነቱን  የሚያረጋግጥበት ሁኔታን (EMPOWERING ) ይፈጥራል ። ጠያቂና ንቁ ተሳትፎ የሚያሳይ ዜጋ ደግሞ ለዴሞክራሲያዊ ስርአት እውን መሆን  ጠንካራው መሰረት ነው። የዴሞክራሲያዊ ሽግግርን እውን ለማድረግ የዚህ አይነት የህዝብ ተሳትፎን ማእከል ያደረገ አካሄድ  አይነተኛ መሳሪያ ነው።

በተጽእኖ አማራጭን ማጥበብ የፖለቲካ ተሳትፎን ይቀንሳል የህዝብንም ብሶት ይጨምራል

የህዝብን የፖለቲካ አማራጭ  በፖለቲካ ውሳኔና አርቲፊሻል በሆነ መልክ አጥብቦ መጓዝ  የህዝብን  የፖለቲካ ተሳትፎ ያዳክማል እንጂ አያጠነክረውም። ህዝብንም እያደር ቅር ያሰኛል እንጂ አያስደስተውም። ይህ ደግሞ ጤነኛ የፖለቲካ ስርአትን ለመገንባት አይረዳም።

ለዚህ በምሳሌነት ሊጠቀሱ ከሚችሉት የተለያዩ ሀገሮች ውስጥ ደረም ብየ ያጠቀስኳት ምእራብ  አፍሪካዊቷ ሀገር ቤኒን አንዷ ነች። ቤኒን በአውሮፓውያን አቆጣጠር በ1989 በተካሄደ ብሄራዊ የመግባባት ጉባኤ ከ 1972 ጀምሮ በሀገሪቱ ያንሰራፋውን አምባገነን አገዛዝ አስወግዳ  ወደ ዴሞክራሲያዊ ስርአት ተሸጋግራ በተከታታይ ሰፊ የዴሞክራሲ ግንባታን በማካሄድ ታላቅ አድናቆትን አትርፋ ህዝብም በዚሁ ረክቶ ቆይታለች።

በዚህ ጊዜ ውስጥ የፖለቲካ ፓርቲዎች ቁጥር ከ70 ወደ 200 አድጓል።  ይህን  እንደ ጤናማ ጉዞ ያልተመለከተቱትከሁለት አመት በፊት (እንደ አውሮፓ አቆጣጠር በ2016)  ወደስልጣን የመጡት አዲሱ የቤኒን ፕሬዚደንት ፓትሪስ ታሎን (Patrice Talon) በሚመሩት ሀገር የሚንቀሳቀሰው የምርጫ ኮሚሽን ፓርቲዎችን ለመቀነስ አዲስ እቅድ አወጣ።

ፖለቲካ ፓርቲዎችን በዛ ያለ የደጋፊ ፊርማ አምጥታችሁ እንደገና ተመዝገቡ ማለት እንደመያዋጣ የተረዳው ኮሚሽን አዲስ ዘዴ ቀየሰ። ለምርጫ ውድድር ሁሉም ድርጅቶች እያንዳንዳቸው  428000( አራት መቶ ሀያ ስምንት ሽህ  ዶላር) ማስያዝ ይኖርባቸዋል የሚል ህግ አርቅቆ  ፕሬዚደንት ፓትሪስ ታሎን ፓርቲ ብዙሀኑን መቀመጫ የተቆጣጠረው ፓርላም እንዲጸድቅ  ተደረገ።

ኮሚሽኑና መንግስት ይህን ሁኔታ እንዲያሰቆም ብዙዎች ቢማጸኑም “ የህዝብ ድጋፍ ካላችሁ ይህን ገንዘብ ማሰባሰብ እንዴት ይከብዳል “ በማለት ፕሬዚደንቱ በእቅዳቸው ቀጠሉበት።የገንዘብ ክፍያ ሊያሟሉ ያልቻሉ ተቃዋሚዎች በምርጫ ኮሚሽኑ ትእዛዝ ከጨዋታ ውጭ ሆኑ። ከፖለቲካ ውድድር ታገዱ።

ይህ ሆኖ በአውሮፓ አቆጣጠር በማርች 2019 (ዘንድሮ) በተካሄደው ምርጫ የፕሬዚደንቱ ፓርቲና አንድ ሁለት የርሳቸው ወዳጅ የሆኑ ፓርቲዎች የፓርላማውን ወንበር ሁሉ ጠቅልለው “ አሸነፉ” ተባለ።

እጅግ የሚገርመው ግን በዚህ ምርጫ ድምጽ የሰጠው ህዝብ  23% ብቻ መሆኑ ነው። ቀደም ባሉት ምርጫዎች  ድምጹን ለመስጠት የሚወጣው ህዝብ ቁጥር ከ75% ያላነሰ ነበር። ከቀረቡት ምርጫወች መጥበብ ጋር ተያይዞ ህዝብ ከፖለቲካ ሂደቱ ራሱን አገለለ። የቤኒን ዴሞክራሲ ወደኋላ መጓዝ ጀመረ። ከ1989 ወዲህ ያልታየ የጋዜጠኞች መታሰር፣ ፣ የተቃዋሚዎች መታሰር፣ የኢንተርኔት መዘጋት ወዘተ ተጀመረ። ከዚህ ጋርም ተያይዞ ህዝብ ለመጀመሪያ ጊዜ የመረረ የተቃውሞ ሰልፍ በማድረግ  መንግስቱንም  በአደባባበይ  ማውገዝ ጀመረ። በመንግስትና በህዝብ መሃል ቅራኔ መስፋት ፣ጀመረ።

በመላ አለም ስትሞገስ የነበረችው ቤኒን በአምንስቲ ኢንተርናሽናል፣ በአፍሪካ አንድንት ታዛቢዎች፣ በአሜሪካ አምባሳደር  ወዘተ  የቤኒን ጉዞ ዴሞክራሲን ቀልባሽ እንደሆነ ተገለጠ። እነ ዋሽንግተን ፖስት ሳይቀሩ “ ቤኒን ምን ነካት” እያሉ አዲሱን መንግስት ማብጠልጠል ጀመሩ። ባጠቃላይ ፓርቲወችም ዴሞክራሲም  ተቀነሱ።

የህጋዊ የድርጅቶች መብዛት መንግስትን ወጪ ያስወጣልን?

ሌላው የፖለቲካ ድርጅቶች እውቅና ለማግኘት 10 ሽህ ሰው  ድጋፍ ማቅረብ አለባቸው ከሚለው ጉዳይ  ጋር ተያይዞ የሚጠቀሰው የፖለቲካ ድርጅቶች መብዛት መንግስትን ብዙ ገንዘብ  ያሰወጣዋል የሚለው ትርክት ነው።

ይህ ሲጀመር በመረጃ  የተደገፈ አይደለም። በሀገራችን ውስጥ መንግስት የገንዘብ ድጋፍ የሚሰጠው  ለሁሉም የተመዘገቡ ድርጅቶች አይደለም። የተመዘገበ ድርጅት ሁሉ በሀገራችን ውስጥ የመንግስት በጀት ድጋፍ አይሰጠውም።

ይህንን መቆጣጠር ከተፈለገም  ደግሞ የፖለቲካ ድርጅቶችን የገንዘብ ድጋፍ  የሚመለከት  ግልጽነትና ተጠያቂነት እንዲኖር  ማድረግ   ይህንንም ምላሽ የሚሰጥ ለየት ያለ ደንብ ማውጣትና  ተግባራዊ ማድረግ   እንጂ   የፖለቲካ ምህዳሩን ማጣበብ ፣ አማራጭንም መቀነስና የዜጎችን ምርጫ መገደብ አግባብ አይሆንም።

በነገራችን ላይ  ዶክተር አብይ ደጋግመው ግልጽ እንዳደረጉት ባለፉት 27 አመታት በሀገራችን የተመዘገበው አሳፋሪ ንቅዘትና የሀገር ሀብት መባከን የተከሰተው ኢህአዴግ ለብቻለው በተቆጣጠረው የፖለቲካ መድረክ እንደነበር ማስታወስም ተገቢ ነው።

ይህ የህግ ረቂቅ ጊዜውን የጠበቀ ነውን?

ከዚህ ሁሉ በተጨማሪ  ሌየሚነሳው ሌላው ጥያቄ ለመሆኑ ይህ የህግ ረቂቅ ጊዜውን የጠበቀ ነውን የሚለው ነው። አሁን ባለው  ያልተረጋጋ የሀገራችን ሁኔታ እጅግ ብዙ ተግዳሮቶች ይታያሉ ።

አለመታደል ሆኖ በሀገራችን  ድር ላይ ከሰፈነው የፖለቲካ ውጥረትና መካረር የተነሳ በተለይም ሀገር አቀፍ ድየፖለቲካ ርጅቶች በሁሉም የሀገሪቱ  ክፍሎች እንደልብ ተንቀሳቅሰው በነጻ ለማደራጀትና አባላትንም ለመመልመል አመች ሁኔታ የለም። ይህ ደግሞ ሀገራዊ ፓርቲወች የት ቦታ ተንቀሳቅሰው በነጻ ህዝብን ማነጋገር ጽህፈት ቤት ከፍተው መስራት ወዘተ ችለዋል የሚለውን በመመለስ በቀላሉ የምንገነዘበው ነው። አንዳንዶቹ ክልሎች እናኳንስ ህብረብሄራዊ ተቃዋሚ ፓርቲ ክልላዊ ተቃዋሚንም የማያስተናግዱ አይደሉም።  እንኳንስ የተለየ የፖለቲካ አስተሳሰብን በነጻ ለማሳወቅ አሁን ያለው ሁኔታ በተለያየ መመዘኛ “ከ እንርሱ”  ለየት ያሉ ሁሉ የሚፈናቀሉበት በፍርሀት ድባብ  ውስጥ የሚገኙት ነው፡

እነዚህ እውነታወች  በሚታይበት ሁኔታ አዲስ የሚመዘገቡ ሀገራዊ  ድርጅቶችን  ከየክልሉ ትልቅ ቁጥር ያለው ድጋፍ ካላመጣችሁ እውቅና አንሰጥም ብሎ መደንገግ ዛሬ  በምድር ላይ ከሚታየው  እውነታ ጋር አይጣጣምም።

ለማጠቃለል

ለማጠቃለል በኔ ግምገማ አሁን የሚደረገው “ማሻሻያ”ብዙ በጎ ጎኖች ቢኖሩትም  እንዳለ ወደ ህግነት ከተቀየረ  የሚያስከትለው ዴሞክራሲን ማጠናከር፣ ሀገርንም ማረጋጋት ሳይሆን የምርጫውም ሆነ የዴሞክራታይዜሽኑን ሂደት ማጥበብ ማለትም መብትን መገደብና የህዝብን  ብሶት ማብዛት ነው።  የተወሰኑ ድርጅቶችንም  ከፖለቲካ ውድድሩ  ቢያንስ ለተወሰነ ጊዜ እንዲገለሉ ያደርጋል። አዳዲስ ድርጅቶችንም ለመፍጠር አያበረታታም።

ይህ ሁሉ  ለተረጋጋ መንግስትንም ሆነ ለዴሞክራሲያዊ ስርአት መሰረት መጣል ያግዛሉ ተብለው ተስፋ የተጣለባቸው ግለሰቦችና ተቋማትንም አላሰፋጊ አፍረሽ ጥላ ያጠላባቸዋል። ይህም እጅግ ጎጂ እንጂ ጠቃሚ አይሆንም ።

በኔ አመለካከት ባሁኑ ሰአት ምርጫውንም በተመለከተ አሁን ባለው ሁኔታ በታቀደው ጊዜ ውስጥ ማካሄድ መቻል አለመቻሉ በጥያቄ ውጥ ያለ ጉዳይ ነው። ስለዚህም ሁሉም የፖለቲካ ድረጅቶች ጊዚያዊ የምዝገባ ሰርቲፊኬት ተሰጥቷቸው  ለሚቀጥሉት ሁለት አመታት በነጻ  እንዲንቀሳቀሱና  ለሀገር መረጋጋትና መግባባት እገዛ እንዲያደርጉ፣ ራሳቸውንም ከህዝብ ጋር እንዲያሰተዋውቁ  ማበረታታት ያሻል። ሀገር ከተረጋጋ፣ መብት ማስከበሩ ስር ከሰደደና የዴሞክራታይዜሽኑ ሂደት ፈር ከያዘ በኋላ ያሉትን ጥንካሬና ድክመቶችን በመገምገም ከሁኔታው ጋር የሚመጥን ማሻሻያ ተግባራዊ ማድረግ ተገቢ ይሆናል።  ይህን ረጋ ባለ መንፈስ በተረጋጋ የፖለቲካ ሁኔታ ሰፊ የፖለቲካ ፍኖተ ካርታ ውስጥ ተካቶ መታየት የሚገባው እንጂ በተናጠል በሩጫ የሚደረግ መሆን የለበትም።

ሀገራችን የምትሻው  በብሶት ላይ ብሶት በቀውስ ላይ ቀውስ መጨመር ሳይሆን መተማመንን የሚያጎለብት ስርአቱንም ሆነ ህጉን ሁሉም የራሴ ነው ብሎ ለመንከባከብ የሚጋብዝ እርምጃን  መውሰድን ነው። የዴሞክራሲ ምህዳሩን ማስፋት እንጂ ማጥበብ አይደለም። ለመደራጀትና ለህዝብ ተሳትፎ እንቅፋትን ማስወገድ እንጂ አዳዲስ መሰናክልን አይደለም። በዴሞክራሲ መስፋት ተጠቃሚወች ሁሉም ኢትዮያውያን ናቸው።

ስለዚህም ነው የተረቀቀው ህግ እንደገና ለባለሙያወች ሰፊ ጥናት ይተላለፍ ወይም  ይስተካከል የምለው።

Ethiopia’s Transition to Democracy Has Hit a Rough Patch. It Needs Support From Abroad
Aug 8th, 2019 by Publisher News Group

“The ascent of Dr. Abiy Ahmed to the post of prime minster in Ethiopia a year ago was a rare positive story in a year filled with grim news globally. Within months of taking office, his administration released tens of thousands of political prisoners, made peace with neighboring Eritrea, took positive first steps to ensure free and independent elections, and welcomed previously banned groups back into Ethiopia. It was an astonishing turnaround in a short period.”  (Read More)

 

A letter to Dr. Abiy Ahmed regarding Political Prisoners: Aberash Berta
Nov 11th, 2018 by Publisher News Group

… የሁሉንም መዳረሻቸው ያልታወቁ ታጋዮች በተለይም ደግሞ  እኛ አስከምናውቀው ድረስ በኢትዮጵያ ውስጥ በአሁኑ ሰዓት ብቸኛዋ ሴት የፖለቲካ አስረኛ  የሆነችውን የታጋይ ወይዘሪት አበራሽ በርታን ጉዳይ አስቸኳይ እልባት እንዲያገኝ …A letter to Dr Abiy Ahmed PM of Ethiopia

ያልተፈቱ የህሊና እስረኞችን በተመለከተ
Jul 2nd, 2018 by Publisher News Group

ስላም ለተከበራችሁ ኢትዮጵያውን፣ ለኢትዮጵያ ጠቅላይ ሚኒስትር ለክቡር ዶ/ር አቢይ አህመድና ለመላው አጋሮቻቸው

የኢትዮጵያ ፖለቲካ እሥረኞች አንድነት ኮሚቴ (ኢፖእአኮ-ካናዳ)  በክቡር ጠቅላይ ሚኒስትሩ በዶ/ር አቢይ መሃመድ መሪነት በኢትዮጵያ ውስጥ እየተካሄደ ያለውን ለውጥ በቅርብ ሁኖ መከታተል ብቻም ሳይሆን ውጤቱም የተሳካና ዘላቂ እንዲሆን የበኩሉን ጥረት እያደረገ ያለ የሰብዓዊ መብት ተከራካሪ ድርጅት ነው።

ዶ/ር አቢይ ሥልጣን ከያዙ ጀምሮ  ብዙ ለውጦች ተደርገዋል። በየእስርቤቱ የሰብዓዊ ምብታቸው ተገፎ ለረዥም ጊዜ ሲንገላቱ የነበሩ የህሊና እስረኞች   መፈታት ኢፖእአኮ-ካናዳን ካስደሰቱት  ታላቅ እርምጃዎች አንዱ ነው። አሁንም ቢሆን በቀድሞ ጠቅላይሚኒስትር መለስ ዜናዊ የስልጣን ዘመን ካሉበት ታፍነው ተወስደው የት እንደደረሱ ያልታወቁ የህሊና እስረኞችን ጉዳይ ተከታትሎ ለቤተሰቦቻቸው፣ ለደጋፊዎቻቸውና ለመላው የኢትዮጵያ ህዝብ ማሳወቁ  ሰብዓዊና ህጋዊም ነው ብለን እናምናለን።  ይህንንመ ተመልክቶ የሚሰጠው ምላሽ  ዜጎች ዛሬ እየተካሄደ ባለው ለውጥ ላይ ያላቸውን ዕምነት ሆነ የለውጡንም ውጤት ለመንከባከብም ሆነ ወደ ከፍተኛም ደረጃ ለማሸጋገር በሚኖራቸው ቀጣይ ተሳትፏቸው ላይ ከፍተኛ ተፅእኖ እንደሚኖረው ዕምነታችን ነው።

ይህንን ጉዳይ በግንቦት 22 ፣ 2010 ላይ ከዚህ በታች የተመለከተውን ደብዳቤ ለክቡር ጠቅላይ ሚኒስትሩ በፊት-ገጸቸው (face book) አማካይነት መላካችን እያስታወስን ዛሬ በዚህ ድረ-ገጻችን ላይ ስንለጥፈው ሁላችንም ይህን በመመልከት የመልዕክታችን አፈጻጸሙን በጋራ እንድንከታተለው  በሚል ስሜት ነው። (ሙሉ ድብዳቤውን ከሥር ይመልከቱ)

Solidarity Committee for Ethiopian Political Prisoners (SOCEPP-Canada)
የኢትዮጵያ ፖለቲካ እሥረኞች አንድነት ኮሚቴ (ኢፖእአኮ-ካናዳ)
Email: socepp.can@humanrightsethiopia.com and socepp.can@sympatico.ca
Web: www.humanrightsethiopia.com
ለተከበሩ ዶክተር አቢይ አህመድ የኢ.ፌ.ዴ.ሪ ጠቅላይ ሚኒስትርና የኢሕአደግ ሊቀመንበር የኢ.ፌ.ዴ.ሪ ጠቅላይ ሚኒስቴር ጽሕፈት ቤት የ መልዕክት ሣጥን ቁጥር 1031 አዲስ አበባ፤ ኢትዮጵያ
pminfo@pmo.gov.et
ግንቦት 22፣ 2010
ጉዳዩ፦ ያልተፈቱ የህሊና እስረኞችን በተመለከተ
ክቡር ጠቅላይ ሚኒሰትር ዶ/ር አቢይ አህመድ፤
አስቀድመን እንኳን ደስ አለዎት ማለት እንወዳለን። መጪው የሥራ ዘመንዎ የጀመሩት የኢትዮጵያ ከፍታ ዕቅድ ተሳክቶ ኢትዮጵያና ኢትዮጵያዊነት አብበው፣ ኢትዮጵያ ሉዐላዊነቷ ተከብሮ፤ ዜጎችዋም በአገራቸው ላይ ያላቸው ሙሉ መብት ተረጋግጦ ሁሉም በፍቅርና በእኩልነት የሚኖሩባትን ሀገር ለመገንባት የሚያስችል መሠረት ጥለው የሚሄዱበት ዘመን እንዲሆንልዎ አጥብቀን እንመኛለን። የኢትዮጵያ ህዝብ፣ እርስዎም በተለያዩ መድረኮች ላይ ባደረጓቸው ንግግርዎችዎ አበክረው እንደገለፁት፣ አገራችን ውስጥ በተለያዩ ችግሮች ምክንያት የዜግነት መብቱ ተገፎ እየታሰረ፣ እየተጋዘና እየተገደለ የኖረ ህዝብ ነው። ይህም ሰው በዜግነቱ እንዳይኮራ፤ ሰው በሰውነቱ ያለው ክብርና ህጋዊነት ዋጋ እንዲያጣ ያደረገ ክስተት በመሆኑ የዜጎችን መንፈስ ሲያስጨንቅና ሲያሳስብ ቆይቷል። እኛ “የኢትዮጵያ የፖለቲካ እስረኞች አንድነት ኮሚቴ” ወይም በእንግሊዚኛው ምህፃረ ቃል SOCEPP-CANADA(Solidarity Committee for Ethiopian Political Prisoners-Canada) እንባላለን። ድርጅታችን የሰብአዊ መብት ተከራካሪ ድርጅት እንደመሆኑ መጠን የተፈጠረውም በአገራችን ውስጥ በጅምላ የሚካሄደውን የመብት ጥሰት ለመከላከል፤ በተለይም በየጊዜው ያለአግባብ ለእሥር የሚዳረጉ የህሊና እስረኞችን መብት ለመከራከር ነው። ኮሚቴው እነዚህን የመሳሰሉ ጥሰቶችን ማውገዝ ብቻ ሳይሆን ከሰላማዊ ሰልፎችና ታላላቅ ጉባኤዎችን ከማካሄድ እሰከ ዲፕሎማሲያዊ ግንኙነቶችን በመፍጠርና እርምጃዎች እሰከማሰወሰድ በሚደርሱ የትግል ዜዴዎች በመጠቀም ሲታገል የቆየና አሁንም እየታገለ ያለ፤ ትርፍ ለማግኘት የማይሰራ የሰብዓዊ መብት ተሟጋች ድርጅት ነው። ክቡርነትዎ አዲሱን ስራዎን ከተረከቡበት ጊዜ ጀምሮ የዜጎች መብት መከበርን አስመልክተው ያደረጓቸውን ንግግሮችና ያስተላለፏቸውን መልዕክቶች ሶሴፕ- ካናዳ በጥሞና እየተከታተለ ነው፡፡ አሁን በቅርቡ በፖለቲካም ጉዳይ ይሁን በሌላ ኢፍትሃዊ በሆነ መንገድ ታግተው የቆዩ ንፁሃን ዜጎች እንዲፈቱ መደረጉን ስናይ ደስታችን ከፍተኛ ነው፤ ምኞታችንም ከዚህ የዘለቀ ነው። በተጨማሪም ዜጎች በተለያዩ ጎረቤት አገሮች እየደረሰባቸው ያለውን እሥራትና እንግልት ለመታደግ የወሰዷቸው እርምጃዎችና ያስገኟችው ውጤቶች እጅግ አስደስተውናል። የተከበሩ ዶክተር አቢይ! ባለፉት ሁለት ውራት ውስጥ ሰለመብት፤ ሰለፍቅር፤ ስለዕርቅ፤ ስለአገር አንድነት፤ ስለብሄራዊ መግባባት ሆነ እነዲሁም ስለሚዲያ ነጻነትና ስለእስረኞች መፈታት ዘለግ፤ዘለግ ያሉ ንግግሮች ወደ ህዝብ አድርሰዋል። ህዝብም

በአመዛኙ የእርስዎ ንግግር ካለዎት የህዝብ ፍቅርና የአገር መቆርቆር የመነጨ ነው በሚል እምነት የተነገረው ሁሉ ተፈጻሚ ይሆናል ብሎ ተስፋ ሰንቆ በመጠባበቅ ላይ ይገኛል። ታዲያ ይህን ተስፋችንን የበለጠ ዕውን ለማድረግ በሌሎች ዘርፎች ያሉ ጥያቄዎች እንዳሉ ሁነው አሁን የተጀመረው የፖለቲካ እስረኞችን የመፍታቱን ሂደት ሙሉ እንዲሆን አጥብቀን የምንጠይቀው ጉዳይ ነው። ለዚህም መነሻችን የአሁኑ መንግሥት ሥልጣን ከያዘበት ወቅት ጀምሮ አፍኖ የወሰዳቸውን የኢሕአፓ አመራር መሪዎችና አባላት (ፀጋዬ ገብረመድህን (ደብተራው)፣ይስሃቅ ደብረፅዮን፣ ስጦታው ሁሴን፣ አምሃ በለጠ፣ ሃጎስ በዛብህ፣ አበራሽ በርታና ሌሎችም) የት እንዳደራሰቸው እስካሁን አላሳወቀም። እነዚህን ኑሯቸውንና ውድ ሕይወታቸውን ለኢትዮጵያ አንድነትና ሉአላዊነት ፣ ለህዝቧም ዕኩልነትና ነፃነት መከበር ያደረጉ ንፀሁሃን ዜጎችን መንግሥት የት እንዳደረሳቸው ማሳወቅ ግዴታው ነው ብለን እናምናለን። ሲሆን፤ ሲሆን ባልታሰሩ፤ አይደለም ለዴሞክራሲ ፈር ቀዳጅ የሆኑ የኢሕአፓ ልጆች፤ ሕግ አለ በሚባልበት አገር ማንም ዜጋ በፖለቲካ እምነቱ ባልታሰረ ነበር። ሰለዚህ መንግሥት ይህንን ጉዳይ በቂ ትኹረት ሰጥቶት ተገቢውን ምላሸ በአስቸኳይ እንዲሰጠን አጥብቀን እንጠይቃለን። የተከበሩ ዶክተር አቢይ! እስካሁን በንግግርዎ ያነሷቸው፤ ህዝቡን እግር ተወርች ቀፍድደው የያዙና አገሪቷንም ለአደጋ ያገለጡ ችግሮች መፈጠር ምክንያት የሆኑ አወጆችንና መመሪያዎችን፦ ፩ኛ፦ ጊዜያዊው አሰቸኳይ አዋጅ ፪ኛ፦ የሽብርተኛ አዋጅ ፫ኛ፦ አሁን ያለው “የተሻሻለውን” የሜዲያ አዋጅ ፬ኛ፦ አሁን ያለውን “የተሻሻለውን” የሲቪክ ማህበራት ህግ ፭ኛ፦ አሁን ያለውን የምርጫ ቦርድ ህግጋት በአስቸኳይ እንዲነሱ እንጠይቃለን። በእነዚህና ሌሎች በዚህ ውስጥ ባልተጠቀሱ አዋጆች ምክንያት ሆነ በሌሎች ከዓለም አቀፍ ህግ ውጭ በሆኑ መመሪያዎች በየእስርቤቶች ታግተው ያሉ የህሊና እስረኞች ሁሉ እንዲፈቱ በድጋሚ አጥብቀን እንጠይቃለን። ከዚህ በተጨማሪ በውጭ ሃገር የሚገኙ ተፎካካሪ የፖለቲካ ድርጅቶች ወደ ሃገር ተመልሰው በህጋዊ መንገድ ሊንቀሳቀሱ የሚያሰችላቸውን መብት ባከበረ መልኩ በህጋዊ ዋስትና ላይ የተመሠረተ ጥሪ እንዲደረግላቸውና ከሁሉም የፖለቲካ ድርጅቶች ጋር አስፈላጊው ድርድር እንዲደረግ እንጠይቃለን በመጨረሻም ጥያቄያችንን አክብረው ለሚሰጡን ቀና ምላሽ ያለንን አድናቆት ከወዲሁ ስንገልጽ በታላቅ ደስታ ነው። መልካም የለውጥና የነጻነት ጊዜ እንመኛለን !!!

ፊርማ

አክሊሉ ወንድአፈረው
ሊቀመንበር የፖለቲካ እስረኞች አንድነት ኮሚቴ በካናዳ

Ethiopian prime minister vows to stick to reforms after explosion at rally
Jun 24th, 2018 by Publisher News Group

Abiy Ahmed, Ethiopia’s new prime minister, has vowed to continue his radical programme of reforms after more than 100 people were injured by an explosion at a rally in his support in Addis Ababa on Saturday. (Read More)

ለዶ/ር አቢይ ምስጋናና ማበረታቻ በተደረገው ሰላማዊ ሰልፍ ላይ ስለደረስው የቦምብ አደጋ መግለጫ
Jun 23rd, 2018 by Publisher News Group

 

ለዶ/ር አቢይ ምስጋናና ማበረታቻ በተደረገው ሰላማዊ ሰልፍ ላይ ስለደረስው የቦምብ አደጋ መግለጫ
—————————————-

ሰኔ 16 በተደረገው እጅግ ደማቅና ሚሊየን ዜጎችን አሳታፊ ሰላማዊ ሰልፍ ላይ በተወረወረው ቦምብና በደረሰው አደጋ ድርጅታችን ኢህአፓ አንድነት እጅጉን አዝኗል። በመቶዎች የሚቆጠሩ ዜጎች ሲቆስሉ ጥቂቶችም ህይወታቸው አልፏል።

ይህ ኢትዮጵያውያን በአንድነትና በፍቅር ወደ ተሻለ አስተዳደር እንድንጓዝ የሚያሳስብ ሰልፍ ላይ እንዲህ አይነት ጭካኔና ጥላቻ የተሞላበትን አሽባሪ ተግባር ድርጅታችን በጥብቅ ያወግዛል። ወንጀለኞቹ በትእግስት ተመርምረው በግልም ይሁን በድርጅት የተደረገ ወንጀል መሆኑ ታውቆ ለህዝብ ይፋ እንደሚሆንና ጥፋተኞችም ተመጣጣኝ ቅጣት እንዲያገኙ ኢህአፓ አንድነት ያሳሰባል።

አገራችን ገና ዲሞክራሲያዊ ጉዞ ከመጀመሯ እንዲህ አይነት ነውረኛ አጽያፊ ድርጊት መፈጸሙ አሳዛኝ ቢሆንም፣ በብሄራዊ መግባባትና እርቅ ሁሉም ባለ ድርሻዎች በጋራ ዘብ የሚቆሙበት ስርአት እንደምንመስርት አንጠራጠርም።

ህዝባችንም ዴሞክራሲያዊ ስርአትን እውን ለማድረግ በሚያካሂደው ትግል የአደናቃፊ ሀይሎች ሰለባ እንዳይሆንና የተጀመረው ለውጥም እንዳይቀለበስ በተለመደው የአንድነት መንፈስ፣ ታዕግስታና አርቆ አሳቢነት ሰላማዊ ትግሉን አጠናክሮ እንዲቀጥልና ለለውጥ ሀይሎችም አሰፈላጊውን ድጋፍ ማሳየቱን እዲቀጥል እናሳስባለን።

ለተጎዱትና ህይወታቸውን ላጡት ቤተሰቦችና ዜጎች መፅናናትን እንመኛለን።

ኢህአፓ አንድነት
ሰኔ 2010

Ethiopia frees abducted Briton Andargachew Tsege on death row
May 29th, 2018 by Publisher News Group

British citizen Andargachew “Andy” Tsege, who was being held on death row in Ethiopia, has been freed.

He has been greeted by jubilant relatives and supporters at his family home in the capital, Addis Ababa.

The Ethiopian government had accused him of plotting a coup and he was sentenced to death in absentia in 2009.

Foreign Secretary Boris Johnson said he was “pleased” with the development and praised his department’s staff for their “tireless” work on the case. (Read More)

Ethiopia Authorities Order Security Forces to Quell Protests
Feb 27th, 2018 by Publisher News Group

 Updated on 
  • Security forces instructed to use ‘all necessary measures’
  • Ethiopia’s government declared a state of emergency Feb. 16

Ethiopian authorities ordered the country’s security forces to “take all the necessary measures” to deal with anti-government agents in the restive Oromia region.

 The so-called Command Post, which is administering a state of emergency declared on Feb. 16, must deal with “illegal forces” in Oromia if they “do not refrain from their destructive actions immediately,” according to a statement published Tuesday by the ruling-party funded Fana Broadcasting Corp. (Read More)
Ethiopian-Sudanese strategic military meeting kicks off in Khartoum
Feb 27th, 2018 by Publisher News Group

The second Sudanese-Ethiopian Military Strategic Forum has convened in Khartoum on Monday.

The Ethiopian delegation headed by the Deputy Chief of Staff of the Ethiopian Armed Forces, Lieut. Gen. Adam Mohamed has arrived in Khartoum on Monday.

The Deputy Chief of Staff of Sudan’s Army Ground Forces for Training, Lieut. Gen. Shams al-Din Kabbashi Ibrahim said the forum would discuss a number of papers covering political and security domains as well as issues of common concern. (Read More)

Does Ethiopia’s New State of Emergency Dash Hopes for Reform?
Feb 27th, 2018 by Publisher News Group

Announcement Follows Prisoner Release, Prime Minister’s Resignation

On February 17, Ethiopia’s Defense Minister Siraj Fegessa declared a six-month state of emergency, appearing to end, for the time being, hope the government would undertake further reforms to open up political space.

The announcement capped off a tumultuous week in Ethiopia – first, the largest release of political prisoners in years, followed by the resignation of Prime Minister Hailemariam Desalegn.

Many long-suffering political prisoners finally rejoined their families, including journalists Eskinder Nega and Woubshet Taye , and opposition politicians Bekele Gerba, Col. Demeke Zewdu, and Andualem Arage. After two years of protests and unrest, the releases could have paved the way for more comprehensive and lasting reforms. But the state of emergency – the second imposed in the last 18 months – dashed those hopes. (Read More)

»  Substance:WordPress   »  Style:Ahren Ahimsa